Býrabai aýdandyq soty ótken jyldyń qazan aiynda Shýche qalasynda jol aptanynan mert bolǵan eki politsiia qyzmetikeriniń ólimine kináli Sergei Vorontsovqa qatysty QR QK 200-babynyń 3-bóligi, 346-babynyń 6-bóligi boiynsha aiyptaý úkimin shyǵardy, dep habarlaidy "Ult aqparat" Aqmola oblystyq sottyń baspasóz qyzmetine silteme jasap.
Vedomstvonyń málimetinshe, sot S.Vorontsovtyń buryn kólik quraldaryn basqarý quqyǵynan aiyrylǵanyn anyqtady. 2020 jyldyń 14 qazanynda mas kúiinde ol anasynyń kóligin iemdendi. Osy kólikti basqara otyryp, Vorontsov baǵdarshamnyń tyiym salatyn belgisine qaramastan saǵatyna 120 km-den astam jyldamdyqpen ótip, politsiianyń qyzmettik kóligimen soqtyǵysqan. Nátijesinde eki politsiia qyzmetkeri qaza taýyp, Vorontsov kóliginiń eki jolaýshysynyń densaýlyǵyna ziian keldi. Politsiia kóligine zaqym keltirý saldarynan kelgen shyǵyn 2 893 000 teńgeni qurady.
Vorontsovtyń kinási avtokólik jolaýshylarynyń, jol-kólik oqiǵasy bolǵan jerge kelgen politsiia qyzmetkerleriniń aiǵaqtarymen dáleldendi. Olar Vorontsovtyń júrgizýshi ornynda bolǵanyn jáne kólikti basqarǵanyn kórsetti. Is boiynsha barlyq qajetti saraptamalar júrgizildi.
«Sot Vorontsovqa ortasha qaýipsizdik mekemesinde jazasyn óteý men 15 jylǵa bas bostandyǵynan aiyrý jazasyn taǵaiyndady. Ol ómir boiy kólik quraldaryn basqarý quqyǵynan aiyryldy», - dedi vedomstvodan.
Sonymen birge, qaza tapqan politsiia qyzmetkerleriniń árbir otbasyna moraldyq ziiandy óteý esebinen 10 million teńge, politsiia bóliminiń paidasyna keltirilgen materialdyq zalal óndirildi.
Vorontsovqa alkogolizmnen májbúrlep emdeý taǵaiyndaldy.
Sot úkimi zańdy kúshine engen joq.
