بۋراباي اۋداندىق سوتى ٶتكەن جىلدىڭ قازان ايىندا ششۋچە قالاسىندا جول اپتانىنان مەرت بولعان ەكٸ پوليتسييا قىزمەتٸكەرٸنٸڭ ٶلٸمٸنە كٸنەلٸ سەرگەي ۆورونتسوۆقا قاتىستى قر قك 200-بابىنىڭ 3-بٶلٸگٸ, 346-بابىنىڭ 6-بٶلٸگٸ بويىنشا ايىپتاۋ ٷكٸمٸن شىعاردى, دەپ حابارلايدى "ۇلت اقپارات" اقمولا وبلىستىق سوتتىڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, سوت س.ۆورونتسوۆتىڭ بۇرىن كٶلٸك قۇرالدارىن باسقارۋ قۇقىعىنان ايىرىلعانىن انىقتادى. 2020 جىلدىڭ 14 قازانىندا ماس كٷيٸندە ول اناسىنىڭ كٶلٸگٸن يەمدەندٸ. وسى كٶلٸكتٸ باسقارا وتىرىپ, ۆورونتسوۆ باعدارشامنىڭ تىيىم سالاتىن بەلگٸسٸنە قاراماستان ساعاتىنا 120 كم-دەن استام جىلدامدىقپەن ٶتٸپ, پوليتسييانىڭ قىزمەتتٸك كٶلٸگٸمەن سوقتىعىسقان. نەتيجەسٸندە ەكٸ پوليتسييا قىزمەتكەرٸ قازا تاۋىپ, ۆورونتسوۆ كٶلٸگٸنٸڭ ەكٸ جولاۋشىسىنىڭ دەنساۋلىعىنا زييان كەلدٸ. پوليتسييا كٶلٸگٸنە زاقىم كەلتٸرۋ سالدارىنان كەلگەن شىعىن 2 893 000 تەڭگەنٸ قۇرادى.
ۆورونتسوۆتىڭ كٸنەسٸ اۆتوكٶلٸك جولاۋشىلارىنىڭ, جول-كٶلٸك وقيعاسى بولعان جەرگە كەلگەن پوليتسييا قىزمەتكەرلەرٸنٸڭ ايعاقتارىمەن دەلەلدەندٸ. ولار ۆورونتسوۆتىڭ جٷرگٸزۋشٸ ورنىندا بولعانىن جەنە كٶلٸكتٸ باسقارعانىن كٶرسەتتٸ. ٸس بويىنشا بارلىق قاجەتتٸ ساراپتامالار جٷرگٸزٸلدٸ.
«سوت ۆورونتسوۆقا ورتاشا قاۋٸپسٸزدٸك مەكەمەسٸندە جازاسىن ٶتەۋ مەن 15 جىلعا باس بوستاندىعىنان ايىرۋ جازاسىن تاعايىندادى. ول ٶمٸر بويى كٶلٸك قۇرالدارىن باسقارۋ قۇقىعىنان ايىرىلدى», - دەدٸ ۆەدومستۆودان.
سونىمەن بٸرگە, قازا تاپقان پوليتسييا قىزمەتكەرلەرٸنٸڭ ەربٸر وتباسىنا مورالدىق زيياندى ٶتەۋ ەسەبٸنەن 10 ميلليون تەڭگە, پوليتسييا بٶلٸمٸنٸڭ پايداسىنا كەلتٸرٸلگەن ماتەريالدىق زالال ٶندٸرٸلدٸ.
ۆورونتسوۆقا الكوگوليزمنەن مەجبٷرلەپ ەمدەۋ تاعايىندالدى.
سوت ٷكٸمٸ زاڭدى كٷشٸنە ەنگەن جوق.
