Aqmola oblysynda eki qyzdy zorlaǵan jigit 9,5 jylǵa sottaldy, – dep habarlaidy "Ult aqparat" Polisia.kz portalyna silteme jasap.
4 qańtarda Astrahan aýdanynyń jeke úileriniń birinde tanys jigitter men qyzdar jinalǵan. Alkogol ónimin ishkennen keiin jigitterdiń biri eki qyzǵa qatysty jynystyq qol suǵylmaýshylyqqa qarsy qylmys jasaǵan. Kelesi kúni qyzdar zorlaǵan jigittiń ústinen politsiiaǵa aryz jazǵan.
"Astrahan politsiia bólimi osy fakti boiynsha QR QK-niń 120-babynyń 2-bóliginiń 4-tarmaǵyna sáikes, sotqa deiingi tergeýdi bastady.
Zorlaý deregi sot-meditsinalyq saraptamanyń nátijelerimen dáleldendi. Sondai-aq jábirlenýshilerdiń dene jaraqattary boldy.
PB tergeýshisi J.Takenova atqarǵan jumystyń nátijesinde qylmystyq is boiynsha dáleldemeler jinalyp, keiinnen olar sotqa joldandy.
14 qazanda Atbasar aýdandyq soty qylmystyq is boiynsha kúdikti Astrahan aýdanynyń 27 jastaǵy turǵynyn kináli dep tanyp, 9 jyl 6 aiǵa bas bostandyǵynan aiyrdy" - delingen habarlamada.
