Foto: ©️ Tengrinews.kz / Turar Qazanǵapov
Aqmola oblysynyń prokýratýrasy bilim berý mekemeleri býhgalterleriniń jalpy somasy 83 mln teńge biýdjet qarajatyn júieli iemdený faktilerin anyqtady, - dep habarlaidy "Ult aqparat" vedomstvonyń baspasóz qyzmetine silteme jasap.
Oblystyq prokýratýranyń málimetinshe, Bulandy balabaqshasynyń býhgalteri kásipkerlermen oidan shyǵarylǵan mámileler jasai otyryp, týystarynyń shottaryna aqsha aýdarǵan. Aýdarymdardyń shynaiylyǵyn kórsetý úshin býhgalter taýarlardy jetkizýge kelisim-sharttar jasalǵan kásiporyndardyń ataýlaryn kórsetken.
Banktik shottar onyń jaqyn týystaryna rásimdelip, býhgalter jumys istegen kezeńde barlyǵy 47 million teńge aýdarylǵan.
Ekinshi jaǵdai Stepnogorsk qalasynyń mektepteriniń birinde anyqtaldy. Tergeý nusqasy boiynsha býhgalter óz shotyna 36 million teńgeni jalaqy retinde aýdarǵan.
"Atalǵan faktiler boiynsha qylmystyq ister QK-niń 189-baby, 2-tarmaǵynyń 4-bóligi (asa iri mólsherde urlaý) boiynsha tirkelip, Aqmola oblystyq prokýratýrasynyń arnaiy prokýrorlarymen jáne Aqmola oblysy boiynsha Ekonomikalyq tergeý departamentimen tergelip jatyr.
Osy bap boiynsha jaza belgili bir laýazymdardy atqarýǵa nemese belgili bir qyzmetpen ainalysýǵa tyiym sala otyryp, 12 jylǵa deiin bas bostandyǵynan aiyrýdy kózdeidi" - delingen habarlamada.
