Kókshetaýda respýblikalyq «Egemen Qazaqstan» gazetiniń 100 jyldyq mereitoiyna orai oqyrmandar konferentsiiasy ótti.
Konferentsiiaǵa qatysýshylar úshin memlekettiliktiń qalyptasýyna qosqan úlesin sipattaityn gazet nómirlerinen, kitaptardan kórme uiymdastyryldy.
Respýblikanyń basty merzimdik basylymyn quttyqtaýǵa qoǵam qairatkerleri, jýrnalistika ardagerleri, ǵylymi jáne shyǵarmashylyq qoǵam ókilderi men oqý oryndarynyń stýdentteri keldi.
Óziniń quttyqtaý sózinde Aqmola oblysy ákiminiń orynbasary Aina Mysyrálimova basylymnyń mańyzdylyǵyn jáne onyń qazaq baspasózin damytýdaǵy rólin atap ótti.
«Egemen Qazaqstan» gazeti elimizdiń basty baspa basylymy bolyp tabylady. Táýelsiz elimizdiń qalyptasýy men damýynyń jylnamasyn júrgizip keledi. Jyldar boiy gazet talantty jýrnalisterdiń úlken shoǵyry ótken kásipqoilyq mektebi bolyp qala beredi. Bir ǵasyr boiy el gazetiniń betterinde eldiń tarihy, eldiktiń tarihy qalyptasty, soǵan kieli Kókshe óńiri azamattarynyń da qatysy bar ekeni – biz úshin maqtanysh. Buǵan «Egemen Qazaqstan» gazetiniń ardagerleri - Qorǵanbek Amanjol, Baqbergen Amalbek aǵalarymyzdyń, bedeldi tilshi Baiqal Baiádildiń eńbek joly dálel bola alady» - dedi Aina Mysyrálimova.
Is-shara barysynda basylymnyń menshikti tilshileri Aqmola oblysy ákiminiń alǵys hattarymen marapattaldy.
Konferentsiia qatysýshylardyń sóz sóileýimen jalǵasty. Baiandamashylar Qazaqstan oqyrmandary úshin basylymnyń mańyzdylyǵy týraly aityp ótti.
Tarihi dáýirdiń qiyn-qystaý sátinde dúniege kelgen baspa basylymy árqashan respýblikanyń qoǵamdyq, iskerlik jáne mádeni ómirinen tys qalmady. Gazet betterinde naǵyz reportaj jáne pýblitsistika sheberleri, belgili ádebietshiler men memleket qairatkerleriniń materialdary jariialandy.
Aita keteiik, gazettiń 100 jyldyq mereitoiy respýblika boiynsha atap ótilýde.
