COVID-19-dyń taralýyna jol bermeý máseleleri jónindegi vedomstvoaralyq komissiianyń tóraǵasy, Premer-Ministrdiń orynbasary Eraly Toǵjanov Aqmola oblysyndaǵy epidemiologiialyq jaǵdaidy turaqtandyrý maqsatynda 9 qarashadan bastap oblys ákimdigine birqatar shekteý sharasyn qabyldaýdy tapsyrdy.
Atap aitqanda:
Kókshetaý qalasynyń perimetri boiynsha blok beketter ornatý;
kún saiynǵy ósimi 10 jaǵdaidan asatyn eldi mekenderde sanitarlyq blok beket ornatý;
Kókshetaý-Almaty, Kókshetaý-Aqtaý baǵyttary boiynsha áýe qatynasyn aptasyna 2 reisten 1 reiske deiin qysqartý;
Kókshetaý-Qyzylorda baǵyty boiynsha temirjol tasymaldaryn aptasyna 7 retten 3 retke deiin qysqartý;
jolaýshylar temirjol quramdarynyń oblys ishinde aialdaýyna tyiym salý (oblys ákimdigi belgilegen jerlerdi qospaǵanda);
dini obektilerdiń, teatrlardyń, kinoteatrlardyń, mádeniet obektileriniń qyzmetin toqtata turý;
jumys kúnderi úi-jailardaǵy qoǵamdyq tamaqtandyrý obektileriniń jumysyn bir mezgilde 30-dan aspaityn kelýshiler bolǵan jaǵdaida, 30-dan kem oryndyq obektiler úshin eseptik oryndardyń 50%-ynan aspaityn jaǵdaida saǵat 8:00-den 21:00-ge deiin, jumys rejimin qysqarta otyryp shekteý;
jumys kúnderi saýda úileriniń, saýda ortalyqtarynyń, kólemi 500 sharshy metrden astam azyq-túliktik emes dúkenderdiń jumysyn saǵat 10:00-den 20:00-ge deiin shekteý;
strategiialyq obektiler men tirshilikti qamtamasyz etý obektileriniń óndiristik protsesti qamtamasyz etetin jumyskerlerin qospaǵanda, oblys eldi mekenderiniń aýmaǵy boiynsha turǵyndardyń qozǵalysyn saǵat 23:00-den saǵat 06:00-ge deiin shekteý;
65 jastan asqan adamdarǵa azyq-túlikti, birinshi kezekte qajetti taýarlardy, dári-dármekterdi jáne meditsinalyq buiymdardy satyp alý jaǵdaiyn qospaǵanda, asa qajet bolmaǵanda turǵylyqty jerinen shyqpaýdy usyný;
qyzmetkerlerdiń keminde 80%-yn qashyqtan jumys isteý rejimine kóshirý;
oflain rejimde keńes ótkizýge tyiym salý tapsyryldy.
Eske sala ketsek, COVID-19-dyń taralýyna jol bermeý máseleleri jónindegi vedomstvoaralyq komissiianyń tóraǵasy, Premer-Ministrdiń orynbasary Eraly Toǵjanov jumys saparymen Aqmola oblysyna bardy.
