Aqmola oblysynda burynǵy poshta qyzmetkeri 1 mln teńgeni iemdenip aldy degen kúdikke ilindi, dep habarlaidy "Ult aqparat" oblystyq PD baspasóz qyzmetine silteme jasap.
Vedomstvonyń málimetinshe, biylǵy jyldyń 25 mamyrynda Shortandy aýdandyq PB kezekshi bólimine Novoselovka aýylynyń 59 jastaǵy turǵynynan aryz túsken. Áieldiń sózinshe, 2018 jylǵy jeltoqsannan bastap 25 mamyrǵa deiin belgisiz bireýler onyń «Qazposhta» AQ-daǵy shotynan 993 myń 500 teńge kóleminde aqsha qarajatyn alǵan. Jedel-izdestirý is-sharalary barysynda politsiia qyzmetkerleri buryn «Qazposhta» AQ-da jumys istegen osy aýyldyń 32 jastaǵy turǵynyn anyqtady. Qaskúnem bul áreketin moiyndady.
«Qazirgi ýaqytta osyǵan bailanysty Qylmystyq kodekstiń 189-babynyń 2-bóligi «senip tapsyrylǵan múlikti iemdený nemese ysyrap etý» boiynsha sotqa deiingi tergeý sharalary júrgizilýde. Kúdiktige qatysty shaqyrǵanda kelý mindettemesi túrinde májbúrleý sharasy tańdaldy. Tergeý sharalary jalǵasýda», - dedi vedomstvodan.
