اقمولا وبلىسىندا بۇرىنعى پوشتا قىزمەتكەرٸ 1 ملن تەڭگەنٸ يەمدەنٸپ الدى دەگەن كٷدٸككە ٸلٸندٸ, دەپ حابارلايدى "ۇلت اقپارات" وبلىستىق پد باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, بيىلعى جىلدىڭ 25 مامىرىندا شورتاندى اۋداندىق پب كەزەكشٸ بٶلٸمٸنە نوۆوسەلوۆكا اۋىلىنىڭ 59 جاستاعى تۇرعىنىنان ارىز تٷسكەن. ەيەلدٸڭ سٶزٸنشە, 2018 جىلعى جەلتوقساننان باستاپ 25 مامىرعا دەيٸن بەلگٸسٸز بٸرەۋلەر ونىڭ «قازپوشتا» اق-داعى شوتىنان 993 مىڭ 500 تەڭگە كٶلەمٸندە اقشا قاراجاتىن العان. جەدەل-ٸزدەستٸرۋ ٸس-شارالارى بارىسىندا پوليتسييا قىزمەتكەرلەرٸ بۇرىن «قازپوشتا» اق-دا جۇمىس ٸستەگەن وسى اۋىلدىڭ 32 جاستاعى تۇرعىنىن انىقتادى. قاسكٷنەم بۇل ەرەكەتٸن مويىندادى.
«قازٸرگٸ ۋاقىتتا وسىعان بايلانىستى قىلمىستىق كودەكستٸڭ 189-بابىنىڭ 2-بٶلٸگٸ «سەنٸپ تاپسىرىلعان مٷلٸكتٸ يەمدەنۋ نەمەسە ىسىراپ ەتۋ» بويىنشا سوتقا دەيٸنگٸ تەرگەۋ شارالارى جٷرگٸزٸلۋدە. كٷدٸكتٸگە قاتىستى شاقىرعاندا كەلۋ مٸندەتتەمەسٸ تٷرٸندە مەجبٷرلەۋ شاراسى تاڭدالدى. تەرگەۋ شارالارى جالعاسۋدا», - دەدٸ ۆەدومستۆودان.
