Aqmola oblysynda órt saldarynan tórt adam qaza tapty, dep habarlaidy QazAqparat.
Aqmola oblysy TJD baspasóz qyzmetiniń málimetinshe, qaiǵyly oqiǵa búgin 5 mamyrda Kókshetaýdyń irgesindegi Krasnoiar aýylynda bolǵan.
«Aqmola oblysynda órtten jas otbasy qaza tapty. Túngi saǵat 03:54-te Krasnoiar aýylynda birinshi qabattaǵy páterde órt shyqqany týraly habarlama kelip tústi. Tilsiz jaýdy aýyzdyqtaýǵa Kókshetaý qalasynyń №1 mamandyndyrylǵan órt sóndirý bólimshesi men Sadovoe aýylyndaǵy №29 órt sóndirý beketiniń kúsh-quraldary jumyldyryldy», - dedi vedomstvodan.
Anyqtalǵandai, órt sóndirýshiler kelgenge deiin páterdiń terezesinen 58 jastaǵy áiel men onyń jeti jasar nemeresi óz betinshe evakýatsiialandy.
Órtti sóndirý barysynda eki eresek adam – 31 jastaǵy er adamnyń, 29 jastaǵy áiel men tórt jasar eki balanyń denesi tabyldy.
«Órt aýdany 50 sharshy metr bolatyn páterde bolǵan. Órttiń aldyn ala sebebi - elektr symdarynyń qysqa tuiyqtalýy. Saǵat 04:50-de órt sóndirildi», - dep tolyqtyrdy vedomstvodan.
Qazir oqiǵa ornynda synaq zerthanasy jumys istep jatyr.
