اقمولا وبلىسىندا ٶرت سالدارىنان تٶرت ادام قازا تاپتى, دەپ حابارلايدى قازاقپارات.
اقمولا وبلىسى تجد باسپاسٶز قىزمەتٸنٸڭ مەلٸمەتٸنشە, قايعىلى وقيعا بٷگٸن 5 مامىردا كٶكشەتاۋدىڭ ٸرگەسٸندەگٸ كراسنويار اۋىلىندا بولعان.
«اقمولا وبلىسىندا ٶرتتەن جاس وتباسى قازا تاپتى. تٷنگٸ ساعات 03:54-تە كراسنويار اۋىلىندا بٸرٸنشٸ قاباتتاعى پەتەردە ٶرت شىققانى تۋرالى حابارلاما كەلٸپ تٷستٸ. تٸلسٸز جاۋدى اۋىزدىقتاۋعا كٶكشەتاۋ قالاسىنىڭ №1 ماماندىندىرىلعان ٶرت سٶندٸرۋ بٶلٸمشەسٸ مەن سادوۆوە اۋىلىنداعى №29 ٶرت سٶندٸرۋ بەكەتٸنٸڭ كٷش-قۇرالدارى جۇمىلدىرىلدى», - دەدٸ ۆەدومستۆودان.
انىقتالعانداي, ٶرت سٶندٸرۋشٸلەر كەلگەنگە دەيٸن پەتەردٸڭ تەرەزەسٸنەن 58 جاستاعى ەيەل مەن ونىڭ جەتٸ جاسار نەمەرەسٸ ٶز بەتٸنشە ەۆاكۋاتسييالاندى.
ٶرتتٸ سٶندٸرۋ بارىسىندا ەكٸ ەرەسەك ادام – 31 جاستاعى ەر ادامنىڭ, 29 جاستاعى ەيەل مەن تٶرت جاسار ەكٸ بالانىڭ دەنەسٸ تابىلدى.
«ٶرت اۋدانى 50 شارشى مەتر بولاتىن پەتەردە بولعان. ٶرتتٸڭ الدىن الا سەبەبٸ - ەلەكتر سىمدارىنىڭ قىسقا تۇيىقتالۋى. ساعات 04:50-دە ٶرت سٶندٸرٸلدٸ», - دەپ تولىقتىردى ۆەدومستۆودان.
قازٸر وقيعا ورنىندا سىناق زەرتحاناسى جۇمىس ٸستەپ جاتىر.
