18 sáýir kúni tańerteń Aqmola oblysy Arshaly aýdanynda belgisiz bireýler memlekettik mekemeniń ǵimaratyn órtep jibergen, - dep habarlaidy Tengrinews.kz tilshisi Polisia.kz saityna silteme jasap.
Kelesi kúni jergilikti atqarýshy organnyń qyzmetkeri bul týraly politsiiaǵa habarlap, órt qoiǵandardy taýyp, olarǵa shara qoldanýdy suraǵan.
Órtti Arshaly aýdanynyń jedel tergeý toby oqshaýlaǵan. Qaza tapqandar men zardap shekkender joq. Keltirilgen shyǵyn kólemi - 6 million teńge.
"Oqiǵa ornyna jetken jedel tergeý toby memlekettik organ ǵimaratynan órt shyqqanyn anyqtady. Órt túngi saǵat 03.30 shamasynda bolǵan. Qazir órt oshaǵy anyqtalyp jatyr", - dep habarlaidy politsiia.
Órtengen ǵimarattan ózindik iisi bar 3 litrlik shyny quty men plastikten jasalǵan zat tabyldy.
Atalǵan derekke qatysty Qylmystyq kodekstiń 202-baby 2-tarmaǵy "Bótenniń múlkin qasaqana joiý nemese búldirý" boiynsha sotqa deiingi tergeý bastaldy. Politsiia osy qylmysqa qatysy bar adamdardy anyqtaý úshin jedel izdestirý sharalaryn júrgizip, kýágerlerden jaýap alyp jatyr.
Osy qylmysty jasaǵan nemese oǵan qatysy bar adamdardy anyqtaý úshin jedel-izdestirý is-sharalary júrgizilip jatyr.
