Aqmola oblysynyń Shýche qalasyndaǵy balabaqshada balaǵa dórekilik tanytqan tárbieshisiniń áreketine qatysty tekseris júrip jatyr, dep habarlaidy "Ult aqparat".
Oqiǵa Shýche qalasyndaǵy balabaqshalardyń birinde oryn alǵan. Bul týraly áleýmettik jelide beinejazba jariialandy. Onda tárbieshisi otyrǵan balanyń astyndaǵy oryndyǵyn tartyp alady, keiin uiyqtap jatqan tóseginen turǵyzyp, súirep alyp ketedi. Ári qarai ne bolǵany belgisiz.
«Osy oqiǵaǵa bailanysty tekseris júrgiziledi. Qazirgi kezde tárbieshisi jumystan shettetildi. Tekseris qorytyndysy boiynsha tiisti sheshim qabyldanady», - dedi oblystyq bilim basqarmasy.
Sonymen qatar, Politsiia departamenti tárbieshige qatysty is qozǵalǵanyn jetkizdi.
«Kámeletke tolmaǵandardy qadaǵalaýdy júzege asyrýǵa mindetti tárbie mekemesi qyzmetkeriniń is-áreketin, sondai-aq, Shýchinsk qalasynyń turǵynynan kelip túsken ótinishti nazarǵa ala otyryp, Býrabai aýdanynyń politsiia bólimi QR QK 140-babynyń 2-bóligi «kámeletke tolmaǵandy tárbieleý jónindegi mindetterdi oryndamaý» boiynsha sotqa deiingi tergeý sharalaryn bastady», - dedi vedomstvodan.
