اقمولا وبلىسىنىڭ ششۋچە قالاسىنداعى بالاباقشادا بالاعا دٶرەكٸلٸك تانىتقان تەربيەشٸسٸنٸڭ ەرەكەتٸنە قاتىستى تەكسەرٸس جٷرٸپ جاتىر, دەپ حابارلايدى "ۇلت اقپارات".
وقيعا ششۋچە قالاسىنداعى بالاباقشالاردىڭ بٸرٸندە ورىن العان. بۇل تۋرالى ەلەۋمەتتٸك جەلٸدە بەينەجازبا جارييالاندى. وندا تەربيەشٸسٸ وتىرعان بالانىڭ استىنداعى ورىندىعىن تارتىپ الادى, كەيٸن ۇيىقتاپ جاتقان تٶسەگٸنەن تۇرعىزىپ, سٷيرەپ الىپ كەتەدٸ. ەرٸ قاراي نە بولعانى بەلگٸسٸز.
«وسى وقيعاعا بايلانىستى تەكسەرٸس جٷرگٸزٸلەدٸ. قازٸرگٸ كەزدە تەربيەشٸسٸ جۇمىستان شەتتەتٸلدٸ. تەكسەرٸس قورىتىندىسى بويىنشا تيٸستٸ شەشٸم قابىلدانادى», - دەدٸ وبلىستىق بٸلٸم باسقارماسى.
سونىمەن قاتار, پوليتسييا دەپارتامەنتٸ تەربيەشٸگە قاتىستى ٸس قوزعالعانىن جەتكٸزدٸ.
«كەمەلەتكە تولماعانداردى قاداعالاۋدى جٷزەگە اسىرۋعا مٸندەتتٸ تەربيە مەكەمەسٸ قىزمەتكەرٸنٸڭ ٸس-ەرەكەتٸن, سونداي-اق, ششۋچينسك قالاسىنىڭ تۇرعىنىنان كەلٸپ تٷسكەن ٶتٸنٸشتٸ نازارعا الا وتىرىپ, بۋراباي اۋدانىنىڭ پوليتسييا بٶلٸمٸ قر قك 140-بابىنىڭ 2-بٶلٸگٸ «كەمەلەتكە تولماعاندى تەربيەلەۋ جٶنٸندەگٸ مٸندەتتەردٸ ورىنداماۋ» بويىنشا سوتقا دەيٸنگٸ تەرگەۋ شارالارىن باستادى», - دەدٸ ۆەدومستۆودان.
