Aqmola oblysy boiynsha Sybailas jemqorlyqqa qarsy is-qimyl departamenti «Aqmola-adaldyq alańy» jobalyq keńsesimen, Arnaiy monitoring tobymen, sondai-aq Qoǵamdyq baqylaý tobynyń ókilderimen birlesip túrli elderden apta saiyn kelip túsetin gýmanitarlyq kómektiń bólinýin baqylaýǵa aldy, dep habarlaidy "Ult aqparat" vedomstvonyń baspasóz qyzmetine silteme jasap.
Vedomstvonyń málimetinshe, gýmanitarlyq kómekti «SQ-Farmatsiia» JShS qabyldaidy, sodan keiin Densaýlyq saqtaý ministrligimen kelisim boiynsha bólý qaǵazy qalyptastyrylady jáne el óńirleri boiynsha júk tasymaldaý júzege asyrylady.
Aqmola óńirinde oblystyq Densaýlyq saqtaý basqarmasy gýmanitarlyq kómekti bólýdi aiqyndaidy. Sońǵy birneshe apta ishinde oblysqa jeke qorǵaný quraldary men meditsinalyq buiymdar túrindegi gýmanitarlyq júk jetkizildi (Katar, Resei, Qytai, Dúniejúzilik densaýlyq saqtaý uiymy, Túrkiia, Ózbekstan, Izrail, Grýziia, «Hýavei Teknolodjiz Qazaqstan» JShS).
Sondai-aq, Reseiden «Koronavir» tabletka preparatynyń 230 oramy, «Samruk-Kazyna Trust» korporativtik qorynan «Avifavir» tabletkadaǵy 176 oramy, Túrkiiadan «Gidroksihlorohin» 600 oramy jetkizildi.
«Qazirgi tańda Katar, Resei, Qytai, DDSU, Túrkiia, Ózbekstannan kelgen gýmanitarlyq júk Aqmola oblysynyń aýdandary men qalalarynyń meditsinalyq uiymdaryna taratylyp, jetkizildi.
Budan bólek, jaqyn arada Polshadan (dári-dármekter), Túrkiiadan (meditsinalyq qorǵanys maskalary men kostiýmderi, dári-dármekter) jáne DDSU-dan (meditsinalyq buiymdar) gýmanitarlyq kómek túsedi dep kútilýde.
Departament qyzmetkerleri turaqty túrde Densaýlyq saqtaý basqarmasy men meditsinalyq mekemelerdiń ókilderimen profilaktikalyq túsindirý jumystaryn júrgizedi. Dári-dármekter men meditsinalyq buiymdardy urlaý men qaita satýdy boldyrmaý maqsatynda árbir qaptamaǵa «Gýmanitarlyq kómek.Tegin.Satýǵa bolmaidy» móri qoiylady», - deidi vedomstvodan.
Aita keteiik, Sybailas jemqorlyqqa qarsy is-qimyl agenttiginiń usynymy boiynsha sybailas jemqorlyq táýekelderin syrtqy taldaý sheńberinde «SK-Farmatsiia» JShS resmi saitynda koronavirýstyq infektsiia pandemiiasy jaǵdaiynda Qazaqstanǵa túrli memleketterden kelip túsetin gýmanitarlyq kómekti bólýdiń qoǵamdyq monitoringi úshin arnaiy bólim quryldy.
Memleketke «SQ-Farmatsiia» arqyly kelip túsetin gýmanitarlyq kómektiń túsýi jáne óńirlerge bólinýi týraly aqparatty saittan kórýge bolady.
«Dári-dármekterdiń baǵasyn negizsiz kóterýge jáne olarmen alypsatarlyqqa jol bermeý maqsatynda departament ýákiletti organdarmen jáne jurtshylyqpen birlesip meditsinalyq mekemeler men dárihanalarǵa monitoring júrgizedi. Qazirgi ýaqytta oblystyń 300-den astam dárihanasy, 30 aýrýhana men emhana, 12 qoimasy baqylaýǵa alynǵan. Barlyǵy 30 buzýshylyq anyqtaldy, onyń ishinde 27 dári – dármektiń baǵasyn kóterý faktisi, 1 arnaiy úi-jailardan jáne dárihanalardan tys satý faktisi, 1-basqa da buzýshylyqtar. Osyǵan qatysty 9 ákimshilik hattama toltyryldy», - dep tolyqtyrdy vedomstvodan.
