Aqmola oblysynda An-2 ushaǵy apatqa ushyrady

Foto: TJM baspasóz qyzmeti

Aqmola oblysynda An-2 ushaǵy apatqa ushyrady, dep habarlaidy "Ult Aqparat".

Saǵat 18.54 Aqmola oblysynyń Jarqaiyń aýdanynda AN-2 áýe kemesi apatqa ushyrady. Tirkeý nómiri — UPA0141. Ushaqtyń órtenýi oryn aldy. Bortta ushqysh boldy. Áýe kemesi "Búrkit-Avia" JShS-ne tiesili, -delingen habarlamada.

Oqiǵa ornynda Aqmola oblysy TJD kúshteri jumyldyrylyp, órt oqshaýlandy, aldyn ala aqparat boiynsha adam shyǵyny men zardap shekkender joq. 

Osy oqiǵa boiynsha QR Kólik ministrligi aviatsiialyq oqiǵany tergeý jónindegi komissiia qurady. Kóliktegi oqiǵalar men oqys oqiǵalardy tekserý departamentiniń qyzmetkerleri aviatsiialyq oqiǵa ornyna jiberiledi.