Aqmola oblysynyń Jolymbet kentinde bir top jas jigit «Qazaqaltyn» AQ aýmaǵyna zańsyz kirdi, dep habarlaidy "Ult aqparat".
Jastar men kúzet firmasy ókilderiniń arasynda qaqtyǵys bolyp, kúzetshilerdiń biri qyzmettik kólikpen bir jigitti qaǵyp ketken.
«Jolymbet kentinde ornalasqan «Qazaqaltyn» AQ aýmaǵyna zańsyz kirgen bir top jas jigittiń buzaqylyq áreketi boiynsha QR Qylmystyq kodeksiniń 293-babynyń («Buzaqylyq») 2-bóligimen sotqa deiingi is óndirisi bastaldy. Al kólikpen qaǵyp ketý deregi boiynsha QR Qylmystyq kodeksiniń 345-babyna («Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy») sáikes sotqa deiingi is qozǵaldy», - dep málimdedi Aqmola oblystyq ishki ister departamentiniń baspasóz qyzmeti.
Vedomstvonyń aqparatyna súiensek, qazirgi kezde sot-meditsinalyq saraptamalar belgilengen, tergeý amaldary júrip jatyr.
