Foto: pexels.com
Aqmola oblysynda 90 mln teńgeni alaiaqtyq jolmen alyp ketken turǵyn ustaldy. Ol bas-aiaǵy 47 alaiaqtyq epizody boiynsha aiyptalyp otyr. Bul týraly Bas prokýratýra habarlady.
Aqmola oblysy prokýratýrasynyń úilestirýimen Tselinograd aýdany politsiia bóliminiń qyzmetkerleri ony 18 qyrkúiekte ustaǵan.
"2024 jyldyń qańtar aiynan bastap kúdikti Astana qalasy jáne Aqmol aýylynda turǵyndaryn aldaý jáne senimin teris paidalaný jolymen olardyń 90 mln teńge kólemindegi aqshalai qarajatyn iemdengen", - delingen prokýratýra habarynda.
Qazirgi ýaqytta atalǵan kúdikti tergeý izoliatoryna qamaldy.
Jasalǵan qylmys úshin kúdiktige múlki tárkilenip, on jylǵa deiingi merzimge bas bostandyǵynan aiyrý jazasy qarastyrylǵan.
