Aqmola oblysynda 800 gektardan astam jer órtke orandy. Onyń 650 gektarynda tilsiz jaý aýyzdyqtalsa, 200 gektarda sóndirý jumystary jalǵasýda, dep habarlaidy "Ult aqparat".
Oblystyq TJD baspasóz qyzmetinen málim etkendei, 8 tamyz kúni saǵat 21:15 shamasynda Ereimentaý aýdanyndaǵy Qoitas aýyldyq okrýginiń aýmaǵynda 650 gektar dalalyq alqapta órt shyqty.
«Tilsiz jaýdy aýyzdyqtaýǵa TJD jeke quramynan 29 adam men 5 arnaiy órt sóndirý tehnikasy, «KazHorseMugalzhar» JShS-nyń 55 jumysshysy jáne jergilikti atqarýshy organdardyń qyzmetkerleri tartyldy. Búgin tańerteń saǵat 09:00 shamasynda órt sóndirildi», - deidi vedomstvodan.
Budan bólek, osy aýyldyq okrýg aýmaǵynda ornalasqan Qaratal jáne Masaqpai jailaýynda da órt shyqqan. Jalyn 200 gektar aýmaqqa taraǵan.
«Qazirgi kezde munda órt sóndirý sharalary júrgizilýde. Buǵan TJD jeke quramynan 50 adam men 11 arnaiy tehnika, «Ereimentaý» orman sharýashylyǵynyń 14 jumysshysy men 3 tehnikasy, jergilikti atqarýshy organdardyń 112 qyzmetkeri men 18 tehnikasy jumyldyryldy«, - dep tolyqtyrdy vedomstvodan.
Sonymen qatar, Aqmola oblystyq TJD-da Ereimentaý aýdanyndaǵy dala órtin sóndirý boiynsha jedel shtab quryldy. Osyǵan qatysty kez kelgen málimet boiynsha 8716-2-55-14-80 habarlasýǵa bolady. Jaǵdaidy óńirdiń TJD basshysy óz baqylaýyna aldy.
