اقمولا وبلىسىندا 800 گەكتاردان استام جەر ٶرتكە وراندى. ونىڭ 650 گەكتارىندا تٸلسٸز جاۋ اۋىزدىقتالسا, 200 گەكتاردا سٶندٸرۋ جۇمىستارى جالعاسۋدا, دەپ حابارلايدى "ۇلت اقپارات".
وبلىستىق تجد باسپاسٶز قىزمەتٸنەن مەلٸم ەتكەندەي, 8 تامىز كٷنٸ ساعات 21:15 شاماسىندا ەرەيمەنتاۋ اۋدانىنداعى قويتاس اۋىلدىق وكرۋگٸنٸڭ اۋماعىندا 650 گەكتار دالالىق القاپتا ٶرت شىقتى.
«تٸلسٸز جاۋدى اۋىزدىقتاۋعا تجد جەكە قۇرامىنان 29 ادام مەن 5 ارنايى ٶرت سٶندٸرۋ تەحنيكاسى, «KazHorseMugalzhar» جشس-نىڭ 55 جۇمىسشىسى جەنە جەرگٸلٸكتٸ اتقارۋشى ورگانداردىڭ قىزمەتكەرلەرٸ تارتىلدى. بٷگٸن تاڭەرتەڭ ساعات 09:00 شاماسىندا ٶرت سٶندٸرٸلدٸ», - دەيدٸ ۆەدومستۆودان.
بۇدان بٶلەك, وسى اۋىلدىق وكرۋگ اۋماعىندا ورنالاسقان قاراتال جەنە ماساقپاي جايلاۋىندا دا ٶرت شىققان. جالىن 200 گەكتار اۋماققا تاراعان.
«قازٸرگٸ كەزدە مۇندا ٶرت سٶندٸرۋ شارالارى جٷرگٸزٸلۋدە. بۇعان تجد جەكە قۇرامىنان 50 ادام مەن 11 ارنايى تەحنيكا, «ەرەيمەنتاۋ» ورمان شارۋاشىلىعىنىڭ 14 جۇمىسشىسى مەن 3 تەحنيكاسى, جەرگٸلٸكتٸ اتقارۋشى ورگانداردىڭ 112 قىزمەتكەرٸ مەن 18 تەحنيكاسى جۇمىلدىرىلدى«, - دەپ تولىقتىردى ۆەدومستۆودان.
سونىمەن قاتار, اقمولا وبلىستىق تجد-دا ەرەيمەنتاۋ اۋدانىنداعى دالا ٶرتٸن سٶندٸرۋ بويىنشا جەدەل شتاب قۇرىلدى. وسىعان قاتىستى كەز كەلگەن مەلٸمەت بويىنشا 8716-2-55-14-80 حابارلاسۋعا بولادى. جاعدايدى ٶڭٸردٸڭ تجد باسشىسى ٶز باقىلاۋىنا الدى.
