Biyl Aqmola oblysynda «Nurly jer» memlekettik baǵdarlamasy sheńberinde qarjylandyrýdyń barlyq kózderi esebinen 570 myń sharshy metr baspana salý josparlanyp otyr. Osylaisha, 5300 otbasy úili bolmaq, dep habarlaidy "Ult aqparat".
QR Indýstriia jáne infraqurylymdyq damý ministrliginiń málimetine sáikes, biyl birinshi toqsanda oblysta turǵyn úi qurylysyna 13,9 mlrd teńge investitsiia salynyp, 151 myń sharshy metr nemese 1348 baspana paidalanýǵa berildi. Bul, 2019 jyldyń sáikes kezeńimen salystyrǵanda 3,7% kóp.
Biyl oblysta «Nurly jer» baǵdarlamasy sheńberinde injenerlik-kommýnikatsiialyq infraqurylym jáne turǵyn úi qurylysy salasynda 10,4 mlrd teńge somasyna 49 joba iske asyrylyp, 595 jumys orny ashylady.
«Jalpy aýdany 49,4 myń sharshy metr bolatyn jalǵa beriletin jáne kredittik turǵyn úi nemese 1002 páterdi paidalanýǵa berý josparlanǵan. Onyń ishinde satyp alý quqyǵynsyz jalǵa beriletin úi qurylysyna 2,9 mlrd teńge jumsalyp, 21 joba iske asyrylady. Biylǵy birinshi toqsanda ákimdikke 178,7 mln teńge aýdarylyp, onyń 77,2% igerilgen. 13,9 myń sharshy metr jalǵa beriletin turǵyn úidi nemese 290 páterdi paidalanýǵa berý josparlansa, esepti kezeńde onyń 150 páteri salyndy. Jalǵa beriletin turǵyn úi qurylysynda 202 jumys orny ashylady», - delingen ministrlik aqparatynda.
Kredittik turǵyn úi qurylysynda 13 jobany iske asyrý úshin 5,6 mlrd teńge qarastyrylǵan. Birinshi toqsanda 1,2 mlrd teńge mólsherinde obligatsiialar shyǵaryldy. 35,5 myń sharshy metr turǵyn úidi nemese 712 páterdi paidalanýǵa berý josparlanǵan. 250 jumys orny ashylady.
Sondai-aq, «Nurly jer» aiasynda 2% nesiemen «Baqytty otbasy» baǵdarlamasyn iske asyrýǵa biyl respýblikalyq biýdjetten 181 turǵyn úi úshin 1,8 mlrd teńge qarastyrylǵan.
