Foto: Didar Smaǵulov
«Ádildik joly» qoǵamdyq birlestiginiń atqarýshy direktory Didar Smaǵulov Aqkól qalasy stadionyndaǵy kishigirim ǵimaratqa erekshe toqtaldy. Onyń aitynsha, atalǵan nysandy salý úshin 2 641 995 teńge jumsalǵan, dep habarlaidy Ulysmedia.kz.
Smaǵulovtyń málimetinshe, atalǵan kishigirim ǵimarat qujat boiynsha kiim aýystyratyn bólme bolýy tiis edi. Alaida, ol biýdjetten 2,6 million teńge jumsalǵan nysannyń deńgeii saraidan ári aspai qalǵan.
Didar Smaǵulov kiim aýystyratyn bólmeniń tóbesi men qabyrǵasy durystalyp, edenge jaqsy linoleým tóselip, aǵashtan jasalǵan erneýlikter salynýy tiis ekenin málimdedi. Biraq jospardaǵy dúnieniń barlyǵy da «sheneýnikterdiń qiialynda» qalyp qoiǵan.
«Árine, barlyǵy bul nysandy qabyldap alǵan sheneýnikterdiń qiialy men qujat júzinde qalǵany ókinishti. Antikor ertegi aitqyshtardy shynaiy ómirge ákeledi dep senemin. Óitkeni, bizdiń hatymyz sonda jatyr», - dep jazdy Smaǵulov.
