Aqmola oblystyq aýyl sharýashylyǵy basqarmasynyń bólim basshysy alaiaqtyq jasaǵany úshin sottaldy, – dep habarlaidy Sybailas jemqoryqqa qarsy qyzmet.
Vedomstvo málimetinshe, Aqmola oblysynyń sybailas jemqorlyqqa qarsy qyzmeti «Aqmola oblysynyń aýyl sharýashylyǵy basqarmasy» MM egin shaýarshylyǵy jáne astyq naryǵyn retteý bóliminiń basshysy E.Bekturovtyń ústinen sybailas jemqorlyq qylmysyn jasaǵany úshin tergeý júrgizgen. Ol «Agrofirma Jer 888» JShS ókilinen 2017-2021 jyldarǵa arnalǵan QR agroónerkásiptik keshenin damytý memlekettik baǵdarlamasy aiasynda sýbsidiia berý máselesin oń sheshkeni úshin 1 mln teńgeni aldaý jolymen iemdený kúdigine ilingen bolatyn.
«Osy jyldyń 20 qańtarynda Kókshetaý qalalyq sotynyń úkimimen E.Bekturov alaiaqtyq jasaǵany úshin kináli dep tanylyp, oǵan 3 mln teńge kóleminde aiyppul salyndy jáne memlekettik qyzmette laýazym ielený quqyǵynan aiyryldy», - dep atap ótedi sybailas jemqoryqqa qarsy qyzmetten.
