Aqmola oblysynyń ákimi laýazymyna Ermek Boranbaiuly Marjyqpaev taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
Ermek Boranbaiuly Marjyqpaev 1969 jyly 29 tamyzda KSRO Tselinograd qalasynda dúniege keldi. 1994 jyly S. Seifýllin atyndaǵy Tselinograd pedagogikalyq institýtyn, 2001 jyly «Turan» ýniversitetin, 2009 jyly Kókshetaý ýniversitetin támamdaǵan. Tarih pániniń muǵalimi, zańger, qarjy bakalavry.
Eńbek jolyn 1991-1992 jyldary dene shynyqtyrý pániniń muǵalimi, boks jattyqtyrýshysy, orta mektepte tarih pániniń muǵalimi retinde bastady. 1992-1995 jyldary «Shon» ShJK direktory laýazymyna taǵaiyndaldy. 1995-2008 jyldary «Bereke-Býrabai» ShJK (JShS) bas direktory qyzmetin atqardy. 2007-2009 jyldary Aqmola oblystyq máslihatynyń depýtaty boldy. 2008-2012 jyldary Arshaly aýdanynyń ákimi, 2012-2013 jyldary Aqmola oblysy Zerendi aýdanynyń ákimi bolyp jumys atqardy.
2013-2014 jyldary Aqmola oblysy ákiminiń qurylys, turǵyn úi-kommýnaldyq sharýashylyǵy jáne avtomobil joldary máseleleri jónindegi orynbasary qyzmetine taǵaiyndaldy. 2015 jyldyń qańtar aiynan bastap Kókshetaý qalasynyń ákimi. «Qurmet» ordenimen (2011), «Qazaqstan Respýblikasynyń táýelsizdigine 10 jyl» (2001), «Eren eńbegi úshin» (2004), «Qazaqstan Respýblikasynyń táýelsizdigine 20 jyl» (2011), «Qazaqstan Konstitýtsiiasyna 10 jyl» (2005), «Astananyń 10 jyldyǵy» (2008) medaldarymen marapattalǵan.
Qazaqstan Respýblikasy týrizmniń qurmetti qyzmetkeri (2007), Qazaqstan Respýblikasynyń úzdik kásipkeri (2002) ataǵyna ie. Bokstan sport sheberi.
Aita keteiik, buǵan deiin Aqmola oblysyn basqarǵan Málik Myrzalin Qazaqstan Prezidenti ákimshiligi basshynyń orynbasary bolyp taǵaiyndaldy.
