Búgin óńir basshysy Ermek Marjyqpaev apparattyq keńeste oblys ákiminiń jańa orynbasaryn tanystyrdy.
Qazaqstan Respýblikasy Prezidenti Ákimshiliginiń kelisimi boiynsha oblys ákiminiń aǵymdaǵy jylǵy 3 sáýirdegi ókimimen Asqar Muratuly Aqmola oblysy ákiminiń orynbasary bolyp taǵaiyndaldy.
Asqar Muratuly, 1976 jyly týǵan, Shyǵys Qazaqstan tehnikalyq ýniversitetin injener-ekonomist mamandyǵy boiynsha jáne Goncharov at. Qazaq avtomobil joldary ýniversitetin injener mamandyǵy boiynsha bitirgen.
Eńbek jolyn 1998 jyly Shyǵys Qazaqstan oblysy saýda jáne qyzmet kórsetý departamentiniń inspektory bolyp bastaǵan. Ár jyldary «Qazaqavtojol» RMK Qostanai, Qaraǵandy, Pavlodar oblystyq filialdarynyń direktory bolyp istedi.
2007-2012 jyldary Astana qalasy jolaýshylar kóligi jáne avtomobil joldary basqarmasy basshysynyń orynbasary, QR Kólik jáne kommýnikatsiialar ministrliginiń sarapshysy, Jambyl oblysy boiynsha qarjy baqylaý inspektsiiasy bastyǵynyń orynbasary bolyp istedi.
2012-2015 jyldary Aqmola oblysy jolaýshylar kóligi jáne avtomobil joldary basqarmasynyń basshysy laýazymyn atqardy.
2015-2017 jyldary Zerendi aýdanynyń ákimi boldy.
Osy taǵaiyndaýǵa deiin Aqmola oblysy jolaýshylar kóligi jáne avtomobil joldary basqarmasynyń basshysy bolyp istedi.
