Aqmola oblysy Aqkól aýdanyndaǵy tabiǵi baqqa Sara Nazarbaeva esimi beriledi. Bul týraly ishki saiasat basqarmasynyń aimaqtyq kommýnikatsiia qyzmeti habarlady.
Jobanyń tusaýkeseri grant bólýshilerdiń WAKE UP-2017 forýmynda ótti. Joba jumysyna aimaqtyq basqarmalar men Qazaqstandaǵy týristik operatorlar tartylǵan.
Jobany tanystyrǵan «Turaqty damý» qorynyń prezidenti Alan Besenniń aitýynsha, jobanyń maqsaty — «Aqkólde biosfera rezervatyn» qurý. Onyń sózine qaraǵanda, jospardaǵy tabiǵi baq týrizm salasyndaǵy biznes jobalardyń damýyna septigin tigizedi.
Jobany júzege asyrý jáne baqty ashý merzimi aimaqtyq jáne respýblikalyq deńgeide tanystyrylǵan soń belgili bolady.
Almatyda 2010 jyly shildede prezident Nursultan Nazarbaevtyń týǵan kúninde (6 shilde, Qazaqstan bul kúni Astana kúnin atap ótedi) onyń esimimen dendropark ashyldy. Sonymen qatar, Nazarbaev esimimen Astanada jáne Aqtóbede saiabaqtar ataldy.
