Egis alqabyn óńdegý qajet sýbsidiai alý úshin diqandarǵa 29,7 mlrd teńge bólinip otyr. QR Aýyl sharýashylyǵy birinshi vitse-ministri Aidarbek Saparovtyń aitýynsha, bul búlki egis alańyn qamtýǵa jetkilikti, dep habarlaidy QazAqparat.
«Oblys ákimdikteriniń derekteri boiynsha, biyl shamamen 659 myń tonna mineraldy tyńaitqysh sebý josparlanǵan. Bul ótken jylǵydan 32,2 myń tonna artyq. Búgingi tańda 226 myń tonna tyńaitqysh jetkizý týraly kelisim-shart jasaldy.
Is júzinde barlyq óńirlerde mineraldy tyńaitqyshtardy jóneltý bastaldy. Agrarshylarǵa shamamen 56 myń tonna tyńaitqysh jóneltildi. Onyń ishinde ońtústik óńirlerdiń úlesi – 16,9 myń tonna. Qoimaaǵy qor negizinen importtyq tyńaitqyshtar esebinen qalyptasty», - dedi Aidarbek Saparov Úkimet otyrysynda.
Sondai-aq ol aimaqtarǵa daqyldardyń ónimdiligin arttyrý úshin tyńaitqyshtardy qoldanýdyń mańyzdylyǵyna nazar aýdarýdy usyndy.
«Ásirese olardyń qunynyń óskenin eskere otyryp, fermerlerdi tyńaitqyshtarmen ýaqtyly jáne tolyq qamtamasyz etý qajet. Ákimdikter tarapynan sýbsidiialaýǵa 27 mlrd teńge qarastyrylǵan. Olardy barynsha tiimdi paidalaný kerek.
Pestitsidterge keletin bolsaq, olardyń baǵasy da ósti. 2020 jylmen salystyrǵanda pestitsidterdiń baǵasy eki ese ósti. Byltyr kóktemde baǵanyń ósýi 70% bolsa, kúzde baǵalar 2 ese ósti.
2022 jylǵa arnalǵan pestitsidterdi sýbsidiialaý baǵdarlamasyna 29,7 mlrd teńge kózdelgen. Bul egis alańyn 100% óńdeýge múmkindik beredi», - dedi vitse-ministr.
