QR Saýda jáne integratsiia ministri Baqyt Sultanov óńirlerde shekti baǵa belgileý quralyn qoldanbaǵan ákimdikterdi synady, dep habarlaidy QazAqparat.
«Shekti baǵalardy belgileý jáne olardyń negizinde shekti baǵalardy qoldaný ádistemesi zańnamada bekitilgen. Óńirlerde bólshek saýda baǵalarynyń shekten asýy boiynsha 66 fakt tirkeldi. Qyzylorda oblysy men Almaty qalasynyń ákimdikterin qospaǵanda, óńirler shekti baǵalardy belgileý quralyn paidalanǵan joq», - dedi Baqyt Sultanov Úkimettiń búgingi otyrysynda.
Ótken jyly baǵany turaqtandyrý sharalaryn qabyldamaǵany úshin jeti oblys ákiminiń orynbasarlaryna sógis jariialanǵan.
«Alaida odan nátije bolmady. Máselen, ótken jyly Aqtóbe oblysynda shekti mánderdiń asyp túsýiniń 5 faktisi tirkeldi, biyl da atalǵan kórsetkish ózgermegen. Pavlodar jáne Túrkistan oblystarynda shekti baǵanyń asyp túsý oqiǵalarynyń kóbeigenine qaramastan, ákimdikter shekti baǵa engizýdi elemei otyr», - deidi Saýda ministri.
