قر ساۋدا جەنە ينتەگراتسييا مينيسترٸ باقىت سۇلتانوۆ ٶڭٸرلەردە شەكتٸ باعا بەلگٸلەۋ قۇرالىن قولدانباعان ەكٸمدٸكتەردٸ سىنادى, دەپ حابارلايدى قازاقپارات.
«شەكتٸ باعالاردى بەلگٸلەۋ جەنە ولاردىڭ نەگٸزٸندە شەكتٸ باعالاردى قولدانۋ ەدٸستەمەسٸ زاڭنامادا بەكٸتٸلگەن. ٶڭٸرلەردە بٶلشەك ساۋدا باعالارىنىڭ شەكتەن اسۋى بويىنشا 66 فاكت تٸركەلدٸ. قىزىلوردا وبلىسى مەن الماتى قالاسىنىڭ ەكٸمدٸكتەرٸن قوسپاعاندا, ٶڭٸرلەر شەكتٸ باعالاردى بەلگٸلەۋ قۇرالىن پايدالانعان جوق», - دەدٸ باقىت سۇلتانوۆ ٷكٸمەتتٸڭ بٷگٸنگٸ وتىرىسىندا.
ٶتكەن جىلى باعانى تۇراقتاندىرۋ شارالارىن قابىلداماعانى ٷشٸن جەتٸ وبلىس ەكٸمٸنٸڭ ورىنباسارلارىنا سٶگٸس جارييالانعان.
«الايدا ودان نەتيجە بولمادى. مەسەلەن, ٶتكەن جىلى اقتٶبە وبلىسىندا شەكتٸ مەندەردٸڭ اسىپ تٷسۋٸنٸڭ 5 فاكتٸسٸ تٸركەلدٸ, بيىل دا اتالعان كٶرسەتكٸش ٶزگەرمەگەن. پاۆلودار جەنە تٷركٸستان وبلىستارىندا شەكتٸ باعانىڭ اسىپ تٷسۋ وقيعالارىنىڭ كٶبەيگەنٸنە قاراماستان, ەكٸمدٸكتەر شەكتٸ باعا ەنگٸزۋدٸ ەلەمەي وتىر», - دەيدٸ ساۋدا مينيسترٸ.
