Búgin QR Ortalyq sailaý komissiiasynyń otyrysynda 10 qańtarǵa taǵaiyndalǵan Parlamenti Májilisiniń jáne máslihattarynyń depýtattaryn sailaý naýqany kezeńinde sailaý ýchaskelerin materialdyq-tehnikalyq jaraqtandyrý, sanitarlyq qaýipsizdik sharalaryn qamtamasyz etý taqyryby qaraldy, dep habarlaidy "Ult aqparat".
OSK tóraǵasy Berik Imashev Memleket basshysynyń 2020 jylǵy 21 qazandaǵy Jarlyǵyna sáikes jergilikti atqarýshy organdar kezekti sailaýdy materialdyq-tehnikalyq qamtamasyz etý boiynsha qajetti sharalar qabyldaýy tiis ekenin atap ótti. Budan basqa, ákimdikter daýys berýdi uiymdastyrý jáne ótkizý kezinde COVID-19 koronavirýstyq infektsiiasynyń taralýynyń aldyn alý boiynsha tiisti sharalar qabyldaýy tiis.
Búgingi otyrys barysynda jergilikti atqarýshy organdardyń ókilderi tyńdaldy. Olar sailaý ýchaskelerin materialdyq-tehnikalyq jaraqtandyrý, sanitarlyq qaýipsizdik sharalaryn qamtamasyz etý, múmkindigi shekteýli adamdardyń sailaý quqyqtaryn qamtamasyz etý boiynsha júrgizilgen jumystar týraly baiandady.
Otyrysty qorytyndylai kele, Berik Imashev daýys berý kúnin uiymdastyrý boiynsha jergilikti atqarýshy organdardyń quzyretine jatatyn barlyq máseleler mindetti túrde sheshilýi tiis ekenin aitty.
Budan buryn habarlanǵandai, búgin OSK otyrysynda 2021 jylǵy 10 qańtarǵa taǵaiyndalǵan QR Parlamenti Májilisiniń jáne máslihattarynyń depýtattaryn sailaý jónindegi naýqan barysynda OSK-ǵa kelip túsken jeke jáne zańdy tulǵalardyń ótinishterin qaraý barysy talqylandy.
