Memleket basshysy Nursultan Nazarbaev jergilikti jerde halyqpen jumys jasaityn memqyzmetshilerdiń jalaqysyn kóterýdi tapsyrdy, dep habarlaidy QazAqparat tilshisi.
«Jergilikti atqarýshy organdarda tómengi satyda jumys isteitin qyzmetkerlerdiń jalaqysyn kóterýimiz kerek. Olar oblystar, aýdandar men aýyldarda halyqpen tyǵyz jumys isteidi. Sondyqtan osy sanattaǵy qyzmetkerlerdiń jalaqysyn 25 paiyzǵa kóterýdi tapsyramyn. Áitpese, bizde ortalyq pen aimaqtardyń jalaqysy jaǵynan qatty aiyrmashylyq bar. Ondai qyzmetkerlerge qoldaý jasaýymyz qajet», - dedi N.Nazarbaev «Nur Otan» partiiasynyń XVIII sezinde.
Prezidenttiń aitýynsha, ákimdik qyzmetkerleriniń jalaqysyn kóterý úshin 2019-2021 jyldary aralyǵynda qosymsha 980 milliard teńge bólinedi.
Aita keteiik, búgin Memleket basshysy Nursultan Nazarbaev kópbalaly otbasylarda árbir balanyń tólemaqysyn 21 myń teńgege deiin arttyrýdy tapsyrdy. Budan bólek, múgedek balalardy asyrap otyrǵan otbasylardyń járdemaqysy 30 paiyzǵa ósedi.
