مەملەكەت باسشىسى نۇرسۇلتان نازارباەۆ جەرگٸلٸكتٸ جەردە حالىقپەن جۇمىس جاسايتىن مەمقىزمەتشٸلەردٸڭ جالاقىسىن كٶتەرۋدٸ تاپسىردى, دەپ حابارلايدى قازاقپارات تٸلشٸسٸ.
«جەرگٸلٸكتٸ اتقارۋشى ورگانداردا تٶمەنگٸ ساتىدا جۇمىس ٸستەيتٸن قىزمەتكەرلەردٸڭ جالاقىسىن كٶتەرۋٸمٸز كەرەك. ولار وبلىستار, اۋداندار مەن اۋىلداردا حالىقپەن تىعىز جۇمىس ٸستەيدٸ. سوندىقتان وسى ساناتتاعى قىزمەتكەرلەردٸڭ جالاقىسىن 25 پايىزعا كٶتەرۋدٸ تاپسىرامىن. ەيتپەسە, بٸزدە ورتالىق پەن ايماقتاردىڭ جالاقىسى جاعىنان قاتتى ايىرماشىلىق بار. ونداي قىزمەتكەرلەرگە قولداۋ جاساۋىمىز قاجەت», - دەدٸ ن.نازارباەۆ «نۇر وتان» پارتيياسىنىڭ XVIII سەزٸندە.
پرەزيدەنتتٸڭ ايتۋىنشا, ەكٸمدٸك قىزمەتكەرلەرٸنٸڭ جالاقىسىن كٶتەرۋ ٷشٸن 2019-2021 جىلدارى ارالىعىندا قوسىمشا 980 ميلليارد تەڭگە بٶلٸنەدٸ.
ايتا كەتەيٸك, بٷگٸن مەملەكەت باسشىسى نۇرسۇلتان نازارباەۆ كٶپبالالى وتباسىلاردا ەربٸر بالانىڭ تٶلەماقىسىن 21 مىڭ تەڭگەگە دەيٸن ارتتىرۋدى تاپسىردى. بۇدان بٶلەك, مٷگەدەك بالالاردى اسىراپ وتىرعان وتباسىلاردىڭ جەردەماقىسى 30 پايىزعا ٶسەدٸ.
