Soltústik Qazaqstan oblysynda eki aýyldyq okrýg ákimdiginiń býhgalterleri biýdjetten 27,1 million teńgeden astam qarjyny jymqyrǵany úshin sottaldy, dep habarlaidy ult.kz.
Oblystyq prokýratýranyń málimetinshe, Bulaq jáne Zarechnyi aýyldyq okrýgteri ákimdikteriniń býhgalterleri qyzmettik ókilettikterin paidalanyp, biýdjet qarajatyn ózderiniń esepshottaryna zańsyz aýdaryp otyrǵan. Qylmysty jasyrý úshin býhgalterlik qujattarǵa jalǵan málimetter engizgen.
Tergeý barysynda Bulaq aýyldyq okrýginde 9,3 million teńge, al Zarechnyi aýyldyq okrýginde 17,8 million teńge kólemindegi biýdjet qarajaty zańsyz iemdenilgeni anyqtaldy. Jalpy keltirilgen shyǵyn 27,1 million teńgeden asty.
Sot eki býhgalterdi de kináli dep tanyp, shartty túrde uzaq merzimge bas bostandyǵynan aiyrý jazasyn taǵaiyndady. Sonymen qatar olarǵa probatsiialyq baqylaý belgilendi.
Sondai-aq sottalǵandar 4 jáne 5 jyl merzimge býhgalterlik qyzmetpen ainalysý jáne materialdyq jaýapkershilik júkteletin laýazymdardy atqarý quqyǵynan aiyryldy.
