Memleket basshysy Qasym-Jomart Toqaev óńir ákimderine azyq-túlik taýarlarynyń qoryn jetkilikti túrde qalyptastyrý mindetin júktedi, dep habarlaidy "Ult aqparat".
«Áleýmettik mańyzy bar azyq-túlik taýarlarynyń baǵasy ósip barady. Jyl basynan beri 4 paiyzǵa qymbattaǵan. Statistikalyq málimetterge súiensek, 2020 jyldyń qańtar-qyrkúiek ailarynda 2019 jyldyń uqsas kezeńimen salystyrǵanda qaraqumyq jarmasy, kúnbaǵys maiy, qoi eti, siyr eti men jumyrtqa qymbattaǵan. Sonymen qatar nan men súttiń baǵasy 8 paiyzǵa ósken. Ashymaly sút ónimderi 7 paiyzǵa artqan», - dedi Prezident koronavirýs indetiniń ekinshi kezeńine daiyndyq máseleleri boiynsha keńeste sóilegen sózinde.
Osyǵan bailanysty Memleket basshysy ákimderge turaqtandyrý qorlarynda ýaqtyly azyq-túlik taýarlarynyń jetkilikti túrde qoryn qalyptastyryp, baǵany ustap turýdyń ózge de tetikterin paidalanýdy tapsyrdy.
