Ákimderdiń jumysyn avtokólik joldarynyń sapasy boiynsha anyqtaý josparlanyp otyr. Bul týraly indýstriia jáne infraqurylymdyq damý ministri Qaiyrbek Óskenbaev málimdedi, dep habarlaidy Sputnik Qazaqstan.
Ministrdiń aitýynsha, joldardyń sapasyn qamtamasyz etý úshin 1 myńnan astam normativtik-quqyqtyq akti qaita óńdelip jatyr. Sonymen qatar, joldardyń sapasy boiynsha ákimder reitingin anyqtaý jónindegi ádisteme ázirlenip, qazirgi tańda kelisý jáne bekitý rásimi júrgizilýde.
"Joldardyń negizgi bóligi, iaǵni 75 myń shaqyrymy jergilikti jolǵa jatady. Negizinen, osy jergilikti joldarǵa halyqtyń kóńili tolmaidy. Biz bul joldardy birlesip qarjylandyrýǵa daiynbyz. Biraq qyzmet sapasyn da talap etýge tiispiz. Eger bizdi qoldap jatsa, onda oblystarda ákimder reitingin engizemiz", - dep túsindirdi Óskenbaev úkimet kýlýarynda.
Aitýynsha, ákimderdiń jumysy jóndegen joldardyń shaqyrymy men onyń sapasyna qarai baǵalanady.
