Ákimderdi sailaý halyqqa tegeýirindik mandatyn beredi. Mundai pikirdi saiasattanýshy Qazaqstan blogerleri aliansynyń prezidenti Ǵalym Baituq bildirdi, dep habarlaidy QazAqparat.
«Halyqtyń saýalnama arqyly aýyldyq okýrgter men qalalardyń ákimderin aýystyra alatyndyǵy jaiynda aitylǵany kóńilimnen shyqty. Iaǵni, bul olarǵa qandai da bir tegeýirindik mandatyn qaitarady degen sóz. Eger ákim nashar jumys istese, onda halyqtyń 30 paiyzy Prezidentke hat jaza alady jáne Memleket basshysy bul máseleni komissiia qaraýyna shyǵaratyn bolady. Eger bul tetik júzege asyrylar bolsa, onda óte aqsy bolar edi», - dedi ol Memleket basshysy Qasym-Jomart Toqaevtyń Qazaqstan halqyna Joldaýyna orai pikir bildire kele.
Sonymen qatar ol depýtattar úshin amanattyq mandatty qaitarý da durys bolar edi degen oiyn bildirdi.
«Bir mandatty okrýg boiynsha sailaý bolsa... Bizdiń elimizdiń shynaiy jaǵdaiynda, ishki saiasi jaǵdaiymyzda bir mandatty okrýg boiynsha sailaý biliktiń ókilettik organdaryna táýelsiz oi-pikiri bar adamdardyń ótý múmkinshiligine jol ashar edi dep sanaimyn», - dedi Ǵ.Baituq.
Aita keteiik, Memleket basshysy Qasym-Jomart Toqaev búgingi Joldaýynda ákimderdiń tiimdiligin halyqqa baǵalatý jobasyn engizýdi usynǵan bolatyn.
