ەكٸمدەردٸ سايلاۋ حالىققا تەگەۋٸرٸندٸك مانداتىن بەرەدٸ. مۇنداي پٸكٸردٸ ساياساتتانۋشى قازاقستان بلوگەرلەرٸ اليانسىنىڭ پرەزيدەنتٸ عالىم بايتۇق بٸلدٸردٸ, دەپ حابارلايدى قازاقپارات.
«حالىقتىڭ ساۋالناما ارقىلى اۋىلدىق وكۋرگتەر مەن قالالاردىڭ ەكٸمدەرٸن اۋىستىرا الاتىندىعى جايىندا ايتىلعانى كٶڭٸلٸمنەن شىقتى. ياعني, بۇل ولارعا قانداي دا بٸر تەگەۋٸرٸندٸك مانداتىن قايتارادى دەگەن سٶز. ەگەر ەكٸم ناشار جۇمىس ٸستەسە, وندا حالىقتىڭ 30 پايىزى پرەزيدەنتكە حات جازا الادى جەنە مەملەكەت باسشىسى بۇل مەسەلەنٸ كوميسسييا قاراۋىنا شىعاراتىن بولادى. ەگەر بۇل تەتٸك جٷزەگە اسىرىلار بولسا, وندا ٶتە اقسى بولار ەدٸ», - دەدٸ ول مەملەكەت باسشىسى قاسىم-جومارت توقاەۆتىڭ قازاقستان حالقىنا جولداۋىنا وراي پٸكٸر بٸلدٸرە كەلە.
سونىمەن قاتار ول دەپۋتاتتار ٷشٸن اماناتتىق مانداتتى قايتارۋ دا دۇرىس بولار ەدٸ دەگەن ويىن بٸلدٸردٸ.
«بٸر مانداتتى وكرۋگ بويىنشا سايلاۋ بولسا... بٸزدٸڭ ەلٸمٸزدٸڭ شىنايى جاعدايىندا, ٸشكٸ ساياسي جاعدايىمىزدا بٸر مانداتتى وكرۋگ بويىنشا سايلاۋ بيلٸكتٸڭ ٶكٸلەتتٸك ورگاندارىنا تەۋەلسٸز وي-پٸكٸرٸ بار ادامداردىڭ ٶتۋ مٷمكٸنشٸلٸگٸنە جول اشار ەدٸ دەپ سانايمىن», - دەدٸ ع.بايتۇق.
ايتا كەتەيٸك, مەملەكەت باسشىسى قاسىم-جومارت توقاەۆ بٷگٸنگٸ جولداۋىندا ەكٸمدەردٸڭ تيٸمدٸلٸگٸن حالىققا باعالاتۋ جوباسىن ەنگٸزۋدٸ ۇسىنعان بولاتىن.
