Ákimderdi tikelei sailaýdyń alǵashqy kezeńine 17,6 mlrd teńge qajet. Bul týraly Ulttyq ekonomika ministriniń orynbasary Álisher Ábdiqadyrov Májiliste sailaý týraly zańnamaǵa engiziletin túzetýlerdi tanystyrý kezinde aitty, dep habarlaidy QazAqparat.
«Aýdandyq mańyzdaǵy qalalardyń, aýyldar men kentterdiń, aýyldyq okrýgterdiń ákimderin tikelei sailaý jergilikti biýdjetten qarjylandyrylady. Biraq Biýdjet kodeksiniń jergilikti biýdjettiń shyǵyndaryn mindetti óteý týraly normalaryn eskere otyryp, aldaǵy 2 jylda, iaǵni 2021-2022 jyldary sailaýlar Ortalyq sailaý komissiiasy arqyly qarjylandyrylady. Al 2023 jyldan bastap bul shyǵyndar jergilikti biýdjet shyǵyndarynyń tizbesin qosylyp, jalpy sipattaǵa transfertterdiń qataryna engiziledi», - dedi vitse-ministr.
Ministrlik ókili sailaý shyǵyndarynyń kólemine toqtaldy.
«Ákimder sailaýyn ótkizýge shamamen 17,6 mln teńge qajet. Biyl sonyń ishinde 4,8 mlrd teńge 800-den astam ákimdis sailaýǵa bólinip otyr», - dedi Álisher Ábdiqadyrov.
