Densaýlyq saqtaý ministri Eljan Birtanov koronavirýs qaýpine bailanysty óńirlerde qashan tótenshe jaǵdai jariialanýy múmkin ekenin aityp berdi, dep habarlaidy "Ult aqparat".
«Algoritmge sai óńir ákimderiniń naqty mindetteri bar. Olar óz quzyretine sai tabiǵi sipattaǵy tótenshe jaǵdaidy jariialaidy. Belgili bir qaýip bolsa, jaǵdai qatań baqylaýǵa alynady. Eger shekteý sharalaryn kúsheitý qajettigi týyndasa, onda sol óńirdiń ákimi tótenshe jaǵdaidy jariialap, buqaralyq sharalar ǵana shektelmei, halyq jinalatyn oryndarda da baqylaý kúsheitiledi. Keshe biz ishinara ǵana shektegenbiz. Qazir endi qatańdaý sharalardy qolǵa alýymyz múmkin. Halyq jinalatyn oryndardy jabýǵa deiingi... Sebebi koronavirýs infektsiiasynyń aldyn alýdyń negizgi mehanizmi – adamdardyń bir-birinen alys júrýi. Sol sebepti qaýip týyndaǵan jaǵdaida mundai sheshim qabyldanady», - dedi Eljan Birtanov OKQ-da ótken baspasóz máslihatynda.
Eske sala ketsek, buǵan deiin Densaýlyq saqtaý ministri Eljan Birtanov Qazaqstannyń eki azamatynan koronavirýs infektsiiasy tabylǵanyn málim etken edi.
Al ministrliktiń taýralar men qyzmetterdiń sapasy men qaýipsizdigin baqylaý komitetiniń habarlaýynsha, koronavirýs tirkelgen Qazaqstannyń azamattar– 1974 jylǵy er adam, 1984 jylǵy áiel.
