دەنساۋلىق ساقتاۋ مينيسترٸ ەلجان بٸرتانوۆ كوروناۆيرۋس قاۋپٸنە بايلانىستى ٶڭٸرلەردە قاشان تٶتەنشە جاعداي جارييالانۋى مٷمكٸن ەكەنٸن ايتىپ بەردٸ, دەپ حابارلايدى "ۇلت اقپارات".
«الگوريتمگە ساي ٶڭٸر ەكٸمدەرٸنٸڭ ناقتى مٸندەتتەرٸ بار. ولار ٶز قۇزىرەتٸنە ساي تابيعي سيپاتتاعى تٶتەنشە جاعدايدى جارييالايدى. بەلگٸلٸ بٸر قاۋٸپ بولسا, جاعداي قاتاڭ باقىلاۋعا الىنادى. ەگەر شەكتەۋ شارالارىن كٷشەيتۋ قاجەتتٸگٸ تۋىنداسا, وندا سول ٶڭٸردٸڭ ەكٸمٸ تٶتەنشە جاعدايدى جارييالاپ, بۇقارالىق شارالار عانا شەكتەلمەي, حالىق جينالاتىن ورىنداردا دا باقىلاۋ كٷشەيتٸلەدٸ. كەشە بٸز ٸشٸنارا عانا شەكتەگەنبٸز. قازٸر ەندٸ قاتاڭداۋ شارالاردى قولعا الۋىمىز مٷمكٸن. حالىق جينالاتىن ورىنداردى جابۋعا دەيٸنگٸ... سەبەبٸ كوروناۆيرۋس ينفەكتسيياسىنىڭ الدىن الۋدىڭ نەگٸزگٸ مەحانيزمٸ – ادامداردىڭ بٸر-بٸرٸنەن الىس جٷرۋٸ. سول سەبەپتٸ قاۋٸپ تۋىنداعان جاعدايدا مۇنداي شەشٸم قابىلدانادى», - دەدٸ ەلجان بٸرتانوۆ وكق-دا ٶتكەن باسپاسٶز مەسليحاتىندا.
ەسكە سالا كەتسەك, بۇعان دەيٸن دەنساۋلىق ساقتاۋ مينيسترٸ ەلجان بٸرتانوۆ قازاقستاننىڭ ەكٸ ازاماتىنان كوروناۆيرۋس ينفەكتسيياسى تابىلعانىن مەلٸم ەتكەن ەدٸ.
ال مينيسترلٸكتٸڭ تاۋرالار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ حابارلاۋىنشا, كوروناۆيرۋس تٸركەلگەن قازاقستاننىڭ ازاماتتار– 1974 جىلعى ەر ادام, 1984 جىلعى ەيەل.
