4-5 naýryz kúnderi «Kóktem-2021» respýblikalyq oqý-jattyǵý ótedi. Bul týraly QR Tótenshe jaǵdailar ministri Iýrii Ilin aitty, dep habarlaidy QazAqparat.
«Qoldanystaǵy zańnamaǵa sáikes, tótenshe jaǵdai týyndaǵan kezde tótenshe jaǵdai aýmaǵyn jariialaýdy jergilikti atqarýshy organdar júrgizedi. Iaǵni, eger aýyldyq okrýg nemese qandai da bir jeke aýdan aýmaǵynda bolsa, onda aýdan ákimdigi jariialaidy. Ol ádilet organynda tirkeýden ótedi jáne odan ary jergilikti biýdjet esebinen qarjylandyrylady. Eger qarjy jetispeitin bolsa, tiisti oblys ákimdigi respýblikalyq biýdjetke júginedi. Búgingi kúni biýdjetti qalyptastyrý barysynda jinaqtalatyn tótenshe jaǵdaiǵa, olardyń saldaryn joiýǵa arnalǵan rezerv bar. Biyl barlyq óńirde, oblystarda jergilikti biýdjet esebinen tótenshe jaǵdai týyndaǵan kezge shamamen 39 mlrd teńge daiyn tur. Tótenshe jaǵdaidy tikelei joiýmen bailanysty aqsha qalyptastyrylmaidy. Bizde Úkimet rezervi bar. Qajettilik týyndaǵan kezde ákimdikterdiń bastamasymen Úkimet rezervinen aqsha alýǵa júgine alamyz», - dedi ministr.
Onyń aitýynsha, jergilikti ákimder biyl tótenshe jaǵdailarmen kúreske bólip otyrǵan qarajattyń barlyǵy birdei jumsalmaidy. Jumsalmai qalǵan qarajat kelesi jylǵa aýysady.
«Ákimder aýmaqtaǵy azamattyq qorǵanystyń bastyǵy sanalady. Bizdiń departament basshylarymyz bul máselede olardyń orynbasary sanalady. Biz vedomstvoaralyq komissiia otyrysyn turaqty ótkizip turamyz. Naýryzdyń 4-5-i kúnderi «Kóktem-2021» respýblikalyq oqý-jattyǵý ótedi. Ótetin jeri – Pavlodar qalasy. Degenmen, oqý-jattyǵý barlyq óńirde júrgiziledi», - dedi Iýrii Ilin.
