Elimizde búgin ótip jatqan aýyl, aýyldyq okrýg, kent jáne aýdandyq mańyzy bar ákimderin sailaýǵa 14 oblystaǵy daýys berýge quqyly halyqtyń 13 paiyzy qatysady, dep habarlaidy "Ult aqparat" aimaqtyq sailaý komissiialarynyń málimetterine silteme jasap.
Aýmaqtyq sailaý komissiialarynyń derekteri boiynsha daýys berýge 1 209 817 sailaýshy qatysady. Bul 14 oblystaǵy sailaýshylardyń 13% - y degen sóz. Olar osy sailaýǵa dep jasaqtalǵan 1847 sailaý ýchaskesinde búgin óz tańdaýlaryn jasap, el tarihynda tuǵysh ret óz ákimderin tikelei daýys berý arqyly tańdaidy.
Buǵan deiin de habarlaǵanymyzdai, atalǵan 730 sailaý okrýginde 2582 kandidat usynylǵan. Solardyń 2297-i tirkeýden ótken.
Kandidattardyń basym bóligi – óz-ózin usynýshylar. Sailaý týraly zańnamaǵa engizilgen tolyqtyrýlar men túzetýlerdiń arqasynda aýyl ákimderiniń sailaýyna túskisi keletin úmitkerge óz-ózin usyný múmkindigi berilgen bolatyn. Osy múmkindikti bul jolǵy sailaýda 1419 adam paidalanyp otyr.
Sondai-aq, 878 úmitkerdi Ádilet ministrliginiń tirkeýinde bar 6 saiasi partiia usynǵan.
Halyqtyń daýys berýi arqyly ákim bolǵysy keletinderdiń genderlik quramyna kelsek, er úmitkerlerdiń sany –1839. Solarmen birge 458 áiel úmitker baǵyn synap jatyr.
