Foto: massaget.kz
Qasym-Jomart Toqaev infraqurylymdy damytýdy jańa deńgeige kóterý kerektigin aitty, - dep habarlaidy Ult.kz.
"Úkimettiń jáne jergilikti atqarýshy organdardyń kúsh-jigerimen biz energetikalyq jáne kommýnaldyq saladaǵy aýyr daǵdarysty eńserdik. Endi Úkimet mundai jaǵdaiǵa jol bermeýge tiis.
Jylý stansalaryndaǵy apattar elimizge abyroi ápermeidi, bedeline nuqsan keltiredi jáne bul memlekettik qyzmetshilerdiń jaýapsyzdyǵy men biliksizdigin kórsetedi. Aimaqtarda kommýnaldyq sharýashylyqtaǵy basshylyq oryndarda kásibi mamandar emes, zańgerler men basqa da gýmanitarlyq sala ókilderi otyr.
Energetikalyq jáne kommýnaldyq nysandardyń jumysyn jańa standarttarǵa jedel túrde kóshirý kerek. Úkimet jańa tarif saiasatyn júzege asyrýdy jalǵastyrýǵa tiis. Tarifter naryq talaptaryna sai bolmasa, elektr energiiasymen, jylýmen jáne sýmen úzdiksiz qamtamasyz etý múmkin emes.
TMD elderiniń bárinde derlik elektr energiiasynyń, gazdyń jáne munai ónimderiniń baǵasy Qazaqstanǵa qaraǵanda qymbat. Bul ekonomika balansynyń buzylyp, shatqaiaqtaýyna ákep soǵady. Aqiqaty osy, onyń nesin jasyramyz?!
Kórshiles elderge kontrabandalyq jolmen janar-jaǵarmai tasylatynyn jurttyń bári kórip otyr. Óz kezeginde bul qylmystyń etek alýyna negiz bolady"- dedi Prezident.
