2017 jyldyń 12 qarashasy kúni «Ahyska» Qazaqstan túrikteri qoǵamy Atyraý oblystyq filialy Qaiyrymdylyq aktsiiasy aiasynda Atyraý qalasyndaǵy kámeletke tolmaǵandardy beiimdeý ortalyǵynyń tárbielenýshilerine qaiyrymdylyq aktsiiasyn uiymdastyrdy.
Úsh jyldan beri «Ahyska» túrikter qoǵamynyń filialy joǵaryda atalǵan mekeme tárbielenýshilerge osyndai aktsiialaryn ótkizýdi dástúrge ainaldyrǵan.
Atyraý qalasynyń Avangard móltek aýdanynda ornalasqan «Bereket» meiramhanasynda ulttyq kiim kigen «Ahyska» qoǵamynyń músheleri 20 balaǵa qaiyrymdylyq túski as berip, merekelik is-shara uiymdastyrdy.
Atyraý qalasynyń «Ahyska» túrikter qoǵamy filialynyń tóraǵasy Abýbákir Muradov: «Bul aktsiia igi dástúrge ainalyp bara jatyr. Osy ortalyqtyń tárbielenýshilerine qaiyrymdylyq is-sharany eki jyl boiy ótkizip kelemiz. Mekemede tárbielenip jatqan 20 balanyń jaǵdaiymen tanysyp, oi-pikirlerin tyńdadyq. Barlyq ónerimizdi salyp, olarǵa merekelik kóńil-kúi syilaýǵa tyrystyq. Úlken el – úlken otbasymyzdyń tatýlyǵy, amandyǵy jáne birligi úshin osyndai igi is-sharalar dástúrge ainalyp, ári qarai jalǵasyn tabady degen niettemiz, - dep óz áserimen bólisti.
Kámeletke tolmaǵandardy beiimdeý ortalyǵynyń direktory Ǵaliia Bijanova aktsiia uiymdastyrýshalarǵa da óz alǵysyn bildirip, eńbekterine sáttilik tiledi.
Oblystaǵy «Ahyska» túrik mádeni ortalyǵy qashan da mádeni is-sharalardyń bel ortasynda júredi. Qaiyrymdylyq sharalardy jii uiymdastyryp turatyn ortalyq jetim-jesirlerdi, múmkindigi shekteýli azamattardy, ardagerlerdi umyt qaldyrǵan emes.
«Ahysk» túrikteri - 1944 jyldyń qarasha aiynda Stalinniń óktemdigi kezinde Orta Aziia men Qazaqstan aýmaǵyna qonys aýdarǵan halyqtardyń biri. Onyń tarihi Otany – qazirgi Grýziianyń ońtústik-batys aýdandary sanalady. Kezinde osy aýdandar Osman imperiiasynyń quramyna enip, Ahysk patshalyǵyn quraǵan. 1829 jylǵy túrik-orys soǵysynan keiin atalmysh jerler Resei imperiiasynyń qol astyna ótip, Ahaltsih ýezd ataǵyn alǵan. Osy kezeńde shekara jabylyp, túrik halqymen qarym qatynas úzilip qalady. Sol ýaqyttan bastap “Ahysk” túrikteri dep atalyp, jańa túrikter tarihy bastaldy. Olar ózderiniń túp tamyry túrik ultynan taraǵandyqtaryn moiyndaidy.
.jpeg)