Almatyda koronavirýs boiynsha epidemiologiialyq ahýal kúrt nasharlasa, qaladaǵy HalykArena jáne Almaty Arenasport keshenderi bazasynda infektsiialyq statsionar ashylady. Bul týraly búgin onlain brifing kezinde qalalyq Qoǵamdyq densaýlyq basqarmasynyń basshysy Kamaljan Nadyrov aitty, dep habarlaidy QazAqparat.
«Statsionarlarǵa kelip jatqandar sany artyp keledi. Tósek-oryndarynyń tapshylyǵy baiqalyp jatyr. Búginde provizorlyq tósek-oryndar 90%-ǵa júktelgen, infektsiialyq tósek-oryndar 95% -ǵa júktelgen. Eger epidemiologiialyq ahýal qiyndai tússe, HalykArena bazasynda 500 oryn ashýdy qarastyrýdamyz. Sondai-aq, biz 150 tósek-orynǵa arnalǵan «Temirjol aýrýhanasy» AQ gospitali bazasynda juqpaly aýrýlar statsionaryn ashatyn bolamyz. Osylaisha, juqpaly aýrýlarǵa arnalǵan 1940 tósek-orynǵa qosymsha taǵy 650 oryn ashylatyn bolady. Jaǵdai odan ári ýshyqqan jaǵdaida, «HalykArena» bazasyndaǵy tósek-oryndar sanyn 300 tósek-orynǵa kóbeitý múmkindigi bar. Sol siiaqty «AlmatyArena» bazasynda da statsionar ashýǵa bolady. Osynyń barlyǵy eseptegende, 3700-ge deiin juqpaly aýrýlar ornyn, provizorlyq tósek-oryndaryn 1000-ǵa deiin ashýǵa múmkindik beredi. Sonymen qatar, biz jataqhanalar bazasynda provizorlyq jáne juqpaly aýrýlar tósek-oryndaryn ashý máselesin qarastyratyn bolamyz», - dedi Kamaljan Nadyrov.
Ol nelikten sport nysandary tańdalǵanyn aitty.
«Biz qaladaǵy barlyq bos oryndardyń inspektsiiasyn júrgizdik. Infektsiialyq statsionar bolý úshin birqatar talaptary bar. Bul ǵimarattardy dezinfektsiialyq óńdeýge bolady. Sondai-aq, jeldetý júiesi jaqsy», - dedi ol.
Qazir ýaqytta dárigerler men meiirbikeler brigadasy qurylyp jatyr.
