الماتىدا كوروناۆيرۋس بويىنشا ەپيدەميولوگييالىق احۋال كٷرت ناشارلاسا, قالاداعى HalykArena جەنە الماتى Arenaسپورت كەشەندەرٸ بازاسىندا ينفەكتسييالىق ستاتسيونار اشىلادى. بۇل تۋرالى بٷگٸن ونلاين بريفينگ كەزٸندە قالالىق قوعامدىق دەنساۋلىق باسقارماسىنىڭ باسشىسى كامالجان نادىروۆ ايتتى, دەپ حابارلايدى قازاقپارات.
«ستاتسيونارلارعا كەلٸپ جاتقاندار سانى ارتىپ كەلەدٸ. تٶسەك-ورىندارىنىڭ تاپشىلىعى بايقالىپ جاتىر. بٷگٸندە پروۆيزورلىق تٶسەك-ورىندار 90%-عا جٷكتەلگەن, ينفەكتسييالىق تٶسەك-ورىندار 95% -عا جٷكتەلگەن. ەگەر ەپيدەميولوگييالىق احۋال قيىنداي تٷسسە, HalykArena بازاسىندا 500 ورىن اشۋدى قاراستىرۋدامىز. سونداي-اق, بٸز 150 تٶسەك-ورىنعا ارنالعان «تەمٸرجول اۋرۋحاناسى» اق گوسپيتالٸ بازاسىندا جۇقپالى اۋرۋلار ستاتسيونارىن اشاتىن بولامىز. وسىلايشا, جۇقپالى اۋرۋلارعا ارنالعان 1940 تٶسەك-ورىنعا قوسىمشا تاعى 650 ورىن اشىلاتىن بولادى. جاعداي ودان ەرٸ ۋشىققان جاعدايدا, «HalykArena» بازاسىنداعى تٶسەك-ورىندار سانىن 300 تٶسەك-ورىنعا كٶبەيتۋ مٷمكٸندٸگٸ بار. سول سيياقتى «AlmatyArena» بازاسىندا دا ستاتسيونار اشۋعا بولادى. وسىنىڭ بارلىعى ەسەپتەگەندە, 3700-گە دەيٸن جۇقپالى اۋرۋلار ورنىن, پروۆيزورلىق تٶسەك-ورىندارىن 1000-عا دەيٸن اشۋعا مٷمكٸندٸك بەرەدٸ. سونىمەن قاتار, بٸز جاتاقحانالار بازاسىندا پروۆيزورلىق جەنە جۇقپالى اۋرۋلار تٶسەك-ورىندارىن اشۋ مەسەلەسٸن قاراستىراتىن بولامىز», - دەدٸ كامالجان نادىروۆ.
ول نەلٸكتەن سپورت نىساندارى تاڭدالعانىن ايتتى.
«بٸز قالاداعى بارلىق بوس ورىنداردىڭ ينسپەكتسيياسىن جٷرگٸزدٸك. ينفەكتسييالىق ستاتسيونار بولۋ ٷشٸن بٸرقاتار تالاپتارى بار. بۇل عيماراتتاردى دەزينفەكتسييالىق ٶڭدەۋگە بولادى. سونداي-اق, جەلدەتۋ جٷيەسٸ جاقسى», - دەدٸ ول.
قازٸر ۋاقىتتا دەرٸگەرلەر مەن مەيٸربيكەلەر بريگاداسى قۇرىلىپ جاتىر.
