Sybailas jemqorlyqqa qarsy is qimyl agenttiginiń tóraǵasy Marat Ahmetjanov shetelge aqsha jylystatýdyń jolyn kesetin tásil qolǵa alynǵanyn aitty, dep habarlaidy "Ult aqparat".
«Qazaqstan Ekonomikalyq yntymaqtastyq jáne damý uiymynyń salyq aqparatyn avtomatty túrde alýǵa bolatyn dúniejúzilik júiege qosylyp jatyr. Onyń kómegimen biz sheteldik shottar men aktivter týraly málimetter alý múmkindigine ie bolamyz. Endi jemqorlar aqshany shetelde jasyra almaidy», - dedi Marat Ahmetjanov agenttiktiń alqa májilisinde.
Onyń aitýynsha, agenttik Májiliske negizsiz baiý úshin jaýapkershilik engizýdi kózdeitin zańnamalyq túzetýler engizgen.
«Túzetýlerdiń negizgi novellalarynyń biri negizsiz baiý úshin jaýapkershilikti engizý bolady. Bul biyldan bastap iske qosylǵan jalpyǵa birdei deklaratsiialaý tetiginiń logikalyq jalǵasy bolyp tabylady», – dedi ol.
