Memleket Basshysy Qasym-Jomart Toqaevtyń Ókimimen Áltaiyr Ahmetov Prezident Ákimshiliginiń Memlekettik basqarý bóliminiń meńgerýshisi bolyp taǵaiyndaldy, dep habarlaidy Aqorda.
"Áltaiyr Amangeldiuly Ahmetov Qazaqstan Respýblikasy Prezidenti Ákimshiliginiń Memlekettik basqarý bóliminiń meńgerýshisi bolyp taǵaiyndaldy, ol Qazaqstan Respýblikasy Prezidentiniń janyndaǵy Memlekettik basqarý akademiiasynyń rektory qyzmetinen bosatyldy", - delingen Toqaevtyń ókiminde.
Ahmetovtyń ornyna Erlan Qýanyshuly Ábil Qazaqstan Respýblikasy Prezidentiniń janyndaǵy memlekettik basqarý akademiiasynyń rektory bolyp taǵaiyndaldy.
Áltaiyr Ahmetov 1979 jyly Mańǵystaý oblysy Aqtaý qalasynda dúniege kelgen. 2000 jyly Qazaq memlekettik zań akademiiasyn "quqyqtanýshy" mamandyǵy boiynsha bitirgen. 2014 jyly Ulybritaniianyń Birmingem ýniversitetin támámdap, memlekettik basqarý magistri atandy. Zań ǵylymdarynyń kandidaty.
Eńbek jolyn 2000 jyly syrtqy ister ministrliginiń zań bóliminiń referenti, attashe retinde bastaǵan. Sodan keiin prezidenti ákimshiliginiń ártúrli bólimderinde referent, bas sarapshy, bas konsýltant, sektor meńgerýshisi laýazymdarynda istedi.
2011 jyly bilim jáne ǵylym ministrliginiń bilim jáne ǵylym salasyndaǵy baqylaý komiteti tóraǵasynyń orynbasary mindetin atqarýǵa kirisip, 2015 jyly bilim jáne ǵylym ministrliginiń ǵylym komiteti tóraǵasynyń orynbasary boldy.
2016 jyldyń qarashasynda prezident janyndaǵy memlekettik basqarý akademiiasynyń oqý jumysy jáne aqparattyq tehnologiialar jónindegi vitse-rektory qyzmetine kelip, 2019 jyldyń sáýir aiynda memlekettik basqarý akademiiasynyń rektory bolyp taǵaiyndaldy.
