Shyǵys Qazaqstan oblysynyń ákiminiń aitýynsha, ekologiialyq máseleni sheshý úshin arnaiy baǵdarlama ázirlengen, dep habarlaidy QazAqparat.
«Bizdiń problemalarymyzdyń birqatary – eski tehnologiialarǵa bailanysty. Eshkimdi qorǵap otyrǵan joqpyn. Shynymdy aitaiyn: rasynda da, bizdiń zaýyttardaǵy tehnologiialyq protsesster úzdik bolǵan joq. Sol sebepti, olardyń saldaryn kórip otyrmyz. Ekinshiden, ol tehnologiialardy ózgertýge bola ma? Ábden bolady. Ol máselemen ainalysyp jatyrmyz. Qasym-Jomart Kemelulynyń (Toqaev - avt) tapsyrmasymen arnaiy baǵdarlama ázirlendi. Ol qazirgi ýaqytta Ekologiia, geologiia jáne tabiǵi resýrstar ministrliginiń qaraýynda jatyr», - dedi Danial Ahmetov OKQ-da ótken baspasóz máslihatynda.
Aimaq basshysynyń aitýyna qaraǵanda, sońǵy 5 jylda ekologiialyq protsesterdi damytýǵa 27 mlrd teńge aýdarylǵan.
«Onyń 12 mlrd teńgesin Qazmyrysh, 4,1 mlrd teńgesin Kómir-elektr stansalary berip otyr. Nege qol jetkizdik? Sońǵy 5 jylda aýaǵa shyǵarylatyn qaldyq kórsetkishin azaittyq. Men joǵaryda ataǵan baǵdarlama teńdessiz sanalady. Ázirge alǵa shyǵyp, ol týraly keńirek aitpai tura turaiyn. Ministrliktiń saraptamasy kelgennen keiin tolyqqandy jaýabyn beremin», - dedi ol.
