Shyǵys Qazaqstan oblysynyń ákimi Danial Ahmetov kásipkerlerdiń klinetterdi Ashyq júiesi arqyly teksermei ketkendigin aitty, dep habarlaidy "Ult aqparat".
Aimaq basshysy meiramhana ielerimen onlain-kezdesý ótkizdi. Búgingi tańda oblysta qoǵamdyq tamaqtaný oryndaryna sanitarlyq-gigienalyq normalardy saqtai otyryp, Ashyq júiesi arqyly jumys isteýge ruqsat berilgen.
«Myna qiyn ýaqytta biznesti qoldaý úshin osyndai sheshimge kelgen edik. Alaida kóp uzamai kásipkerler klientterin arnaiy qosymsha arqyly tekserýdi toqtatty. «Qyzyl» aimaqqa ótkenimizdi elemei, jurtqa júieni qalai aldaýǵa bolatynyn úirete bastady», - dedi Danial Ahmetov.
Onyń aitýynsha, óńirde virýs juqtyrǵandar sany kúrt ósip ketti. Osyǵan bailanysty meiramhanalardyń janyna politseilerdiń kezekshilik etýine týra kelgen. Ákim kásipkerlerdi jaýapkershilikpen jumys isteýge shaqyryp, keri jaǵdaida qyzmetteri múlde toqtatylatynyn qatań eskertti.
«Jumysty jalǵastyrý úshin Ashyq júiesi arqyly jumys istep, kelgen qonaqtardyń mártebesi shyn tekserilýi tiis. Sondai-aq merekelik is-shara ótkizetinderi jóninde eki táýlik buryn ákimdikke eskertip, mindetteme alýlary kerek. Tek osylai ǵana naýqas adammen bailanysta bolǵandardyń sanyn naqtylai alamyz.
Kásipkerdiń karantin talaptaryn buzǵany jáne meiramhanaǵa kelgen qonaqtardyń jappai virýs juqtyrǵany anyqtalsa eń qatań shara qoldanylady. Bir aptanyń ishinde tiisti memorandým daiyndaimyz. Oǵan jumysty jalǵastyrǵysy keletin jáne qoǵam aldynda jaýapkershiligi bar kásip ieleri qol qoiýy tiis», - dedi óńir basshysy.
