شىعىس قازاقستان وبلىسىنىڭ ەكٸمٸ دانيال احمەتوۆ كەسٸپكەرلەردٸڭ كلينەتتەردٸ Ashyq جٷيەسٸ ارقىلى تەكسەرمەي كەتكەندٸگٸن ايتتى, دەپ حابارلايدى "ۇلت اقپارات".
ايماق باسشىسى مەيرامحانا يەلەرٸمەن ونلاين-كەزدەسۋ ٶتكٸزدٸ. بٷگٸنگٸ تاڭدا وبلىستا قوعامدىق تاماقتانۋ ورىندارىنا سانيتارلىق-گيگيەنالىق نورمالاردى ساقتاي وتىرىپ, Ashyq جٷيەسٸ ارقىلى جۇمىس ٸستەۋگە رۇقسات بەرٸلگەن.
«مىنا قيىن ۋاقىتتا بيزنەستٸ قولداۋ ٷشٸن وسىنداي شەشٸمگە كەلگەن ەدٸك. الايدا كٶپ ۇزاماي كەسٸپكەرلەر كليەنتتەرٸن ارنايى قوسىمشا ارقىلى تەكسەرۋدٸ توقتاتتى. «قىزىل» ايماققا ٶتكەنٸمٸزدٸ ەلەمەي, جۇرتقا جٷيەنٸ قالاي الداۋعا بولاتىنىن ٷيرەتە باستادى», - دەدٸ دانيال احمەتوۆ.
ونىڭ ايتۋىنشا, ٶڭٸردە ۆيرۋس جۇقتىرعاندار سانى كٷرت ٶسٸپ كەتتٸ. وسىعان بايلانىستى مەيرامحانالاردىڭ جانىنا پوليتسەيلەردٸڭ كەزەكشٸلٸك ەتۋٸنە تۋرا كەلگەن. ەكٸم كەسٸپكەرلەردٸ جاۋاپكەرشٸلٸكپەن جۇمىس ٸستەۋگە شاقىرىپ, كەرٸ جاعدايدا قىزمەتتەرٸ مٷلدە توقتاتىلاتىنىن قاتاڭ ەسكەرتتٸ.
«جۇمىستى جالعاستىرۋ ٷشٸن Ashyq جٷيەسٸ ارقىلى جۇمىس ٸستەپ, كەلگەن قوناقتاردىڭ مەرتەبەسٸ شىن تەكسەرٸلۋٸ تيٸس. سونداي-اق مەرەكەلٸك ٸس-شارا ٶتكٸزەتٸندەرٸ جٶنٸندە ەكٸ تەۋلٸك بۇرىن ەكٸمدٸككە ەسكەرتٸپ, مٸندەتتەمە الۋلارى كەرەك. تەك وسىلاي عانا ناۋقاس اداممەن بايلانىستا بولعانداردىڭ سانىن ناقتىلاي الامىز.
كەسٸپكەردٸڭ كارانتين تالاپتارىن بۇزعانى جەنە مەيرامحاناعا كەلگەن قوناقتاردىڭ جاپپاي ۆيرۋس جۇقتىرعانى انىقتالسا ەڭ قاتاڭ شارا قولدانىلادى. بٸر اپتانىڭ ٸشٸندە تيٸستٸ مەموراندۋم دايىندايمىز. وعان جۇمىستى جالعاستىرعىسى كەلەتٸن جەنە قوعام الدىندا جاۋاپكەرشٸلٸگٸ بار كەسٸپ يەلەرٸ قول قويۋى تيٸس», - دەدٸ ٶڭٸر باسشىسى.
